Kedi Mersiyesi Hakkında Detaylar

kedi mersiyesi, kedi şiiri, kedi, şiir,Kedi Mersiyesi,Mersiye-i Gürbe (kedi mersiyesi), 16. yy şairlerinden Meâlî,nin ölen kedisinin anısına yazdığı mersiye.

Mersiye-i Gürbe

Çıkdın elden nidelüm ansızın eyvâh pisi

Yandun ölüm oduna derd ile nâgâh pisi

Hasretâ şîr-i ecel buldu sana râh pisi

Nidelüm ah pisi, neyleyelüm vâh pisi

...

Serçe tutar gibi tutar idi tavukla kazı

Kendi akran gibi şîr ile ederdi bâzı

Nice kâfir sıçan öldürmüş idi ol gâzi

Nidelüm ah pisi, neyleyelüm vâh pisi

...
    
    

Hûb-âvâz ile ol şâm u seher mavlar idi

Sanarı hiç mecâl itmez avlar idi

Ana öykünmez şîr abes gavlar idi

Nidelüm âh pisi, neyleyelüm vâh pisi

...

Her seher kalkar elini yüzünü yur idi ol

Katı pâk idi ve her vech ile ma’mûr idi ol

Kimse bilmezdi ama anun kadrini bir nûr idi ol

Nidelüm âh pisi, neyleyeyüm vâh pisi

...

Rûhı şâd ola ki incitmez idi kimesneyi

Ne gönindeki biti ne kulağındaki keneyi

Paça ile bası hoş idi severdi teneyi

Nidelüm âh pisi, neyleyeyüm vâh pisi

...

Sever idüm ben anı cân ile mahbûb gibi

Her gece koyar idüm koynuma bir hûb gibi

Pâk ederdi ev içün kuyruğı cârûb gibi

Nidelüm âh pisi, neyleyelüm vâh pisi

...

Kâmil idi hem edeblü idi hem uslu idi

Akil idi eyü soy idi kişi aslu idi

Recep ayı idi vefât etdüğü güz faslı idi

Nidelüm âh pisi, neyleyelüm vâh pisi

...

Ey Meâlî anun öldüğüne kim ağlamaya

Acıyub hasret ile cânını kim dağlamaya

Cûş edüb kanlu yaşı sel oluban çağlamaya

Nidelüm âh pisi, neyleyelüm vâh pisi.